من روائع بنت شمر النايفه

يا بن الحلال ابتعد ما عدت تغريني

ودّعت حبك وبنسى ماضي أيامك



الكذب طبعك وأنا كل الوفا فيني
خلاص مليت كذبك نكّس أعلامك


أنا نسيتك وباقي إنك تخليني
دربي يعافك ويكره خطوة أقدامك


دوّر على غير حبي لا تواسيني
ما احتاج انا منك شعرٍ وفّر أقلامك


ما أبيك ترجع ولا ابغى أنك تداويني
عليك بجروح قلبك عالج آلامك


صحيح كنت الغلا في قلبي وعيني
لكنّ غدرك وقف في سكة أحلامك


وصحيح كنت الوحيد اللي يسليني
يديك أعلنت فيني لحظة إعدامك


الله يهنيك وأنا الله يهنيني
بجمع حطامي يا ليتك تجمع حطامك


بحط كل الحواجز بينك وبيني
قدامي الخير وأنت الخير قدامك


( أجا ) و( سلمى ) و ( شمّر ) في شرايني
وألا أنت ما لك مكانٍ يقبل إجرامك


كل البني في ( الغزالة ) ما تساويني
عزّ ومكانة وحاذر تخطي سهامك


وأن جيت ( جبّه ) لقيت الكل يطريني
تذكرني أعوام راحت من قبل عامك


( النايفة بنت شمّر ) ذي عناويني
وفّر عناوين قلبك وامسح أرقامك

والله رووعه
حرووفك اسعدتني
ماا اقدر اووصف
مششكوره
مريوم