هبوب الشمال للشاعره بنت شمر النايفه

يابرق حس الضمير وبـاح مكنونـه

واستلهمت عبرتي ماتملـي احزانـي

يابرق مثل الحيـا ياهـل بمزونـه

يسقي مشاريفها وشعـوب ووطانـي

ياغرد الطير ومال النـود بغصونـه

وهبت هبوب الشمال اتهيض اشجاني

تسترسل حروف شعرن زانت الحونه

يطرب لها اللي لجزل الشعر ولهاني

تاخذ مزايا الذهب في وزنه و لونـه

مايمحي خطها مـع مـر الازمانـي

هذي وصيه عن الـزلات مصيونـه

عميتها للعرب من قاصـي و دانـي

يالعبد نفسك لرب الكـون مرهونـه

كم واحدن بحق نفسه يعتبـر جانـي

يمشي وراء خطوتن ماهي بمضمونه

لا مادحن خيرها لو جالهـا عانـي

ابليـس يغـوي مقاريـدٍ يطيعونـه

شيطان مايتبعـه ياكـود شيطانـي

يترك صلاته ويتبـع نـاس يلهونـه

ربعه كثيـرا وقلبـه دوم وحدانـي

مشاعـره دايمـا بالسـؤ مفتـونـه

يطرد سراب الاماني و العمر فانـي

الادمـي ماتفيـده نظـرة عيـونـه

لاصار قلبه من العصيان مرضانـي

ينسى نهار(ن) هل الاعمال يرجونه

يوم(ن) تعرا النوايا هي و الابدانـي

نهار زرع العمل يثمـر و يجنونـه

وكلن يحصد عمله مايعطـي الثانـي

::.[.::.].::
طرح رآقي وَ قلم مبدع ,
سلمتْ أنآملكِْ الذهبيه ,
على روعـة جلبكِْ ,
وَ كَ عآدتَكِْ لديكِْ كُل مآهو جميَل ,
مآننحرم منْ روائعكِْ آلمخبئة في دآخلكِْ
خآلص ودي وَ وردي لِ أنفآسكِْ ...
۾ـچـטּـۈטּـۃ ديـ۾ـۈ ..}*
..:ღ:..

اشكر لكي مرورك العطر

مششششكـورهـ قلبــووو

آللـه لآ يحـرمنـآإ من جديــدكـ

M . . } ~

» من روائع بنت شمر النايفه