بنات الموضوع منقول بس التعليقات اللى بين الاقواس دى تعليقاتى
انا مااااااما ...نعم...عمله اكل ايه.؟ الأكل عندك في المطبخ...سبانخخخخخ.. اه
ده سبانخ تاني ..، هو ده الموجود عجبك تكلي كلي مش عجبك شدي في حوجبك
وانشله مكلتي وفرتي ابقي فنجره علينا انت وورينا هتجيبي ايه
قومي اغسلي شوية الاطباق اللي ف المطبخ ولا نضفي اوضتك اللي شبه الزريبه
دي بدل ما انتي قاعده ع المخروب ده ولا مستنيه الخدامه اللي اشتراها ابوكم
تيجي تنضفهالك وابقي قبليني لو فلحتي ف سنتك دي جاتكم الهم
(الجمله دى اشهر من النار ع العلم)
الهوانم نايمين فى السرير ومستنيين الاكل يجيلهم لحد عندهم .... انتوا بنات انتوا
(دا على اساس ان البنات متبقاش بنات طول مهى نايمه على السرير احنا بعد كدا ننام على الارض يمكن يسيبونا فى حالنا)هو انتى تقومى من على الكمبيوتر تمسكى الموبايل (انا عن نفسى مبتتقليش كدا
انا بيتقالى هو انتى تقومى من الكومبيوتر تروحى على التليفزيون )
بيحسدونى انى عندى بنت يجيو يشوفو
انتم اصلا مش هترتاحوا الا لما اطب ساكته قدامكم
حاااااضر اما يجي ابوكو انا حخليه يعرف شغله معاكو
(هههههههههههههههههههه ولما ييجي تكون نست)ما شلتيش كوباية الشاي ليه ؟؟ طبعا مستنية الشغالة تيجي تشيلها
الابن:ماما فيه اكل ايه؟؟\
الام :عندك اكل امبارح سخنه وكل
الابن :لا ماباكلش اكل بايت وانت عارفة كده كويس..هاتي فلوس هاطلب اكل من برة
الام:تطلب اكل...!! بكرة اذا كنت عايشة افكرك لما الهانم اللي هتتجوزها
تطبخ مرة في الاسبوع هتاكل وانت زي الكلب...واذا كنت مت ابقي قول الله
يرحمك ياامي
اصل انا الفليبينيه اللى اشترهالكو ابوكو
اللي ذاكر ذاكر وخلاص الواحد زمان كان بيذاكر 48 ساعه في ال 24 ساعه كنا بناكل الكتب اكل كنا شايلين المسئوليه مش زيكم جيل هايف
( هههه وبعد الثوره محدش يقدر يقول علينا جيل هايف)
كل ده نوم ده انت بتنام اكتر مابتصحي
انا مش هاقولك ذاكر بعد كده انت بتذاكر لنفسك ولما نشوف النتيجه اخر السن
ه ( ولما تبقى النتيجه حلوه يقولولك منا كنت بشجعك 
ابهات تجيب شلل بس بحبه اوى ابويا دا 
)انا عارفة انتى مش هتستريحى غير لما تعليلى الضغط
( وهى اصلا معندهاش الضغط )
