Queen moi
|| عضو نشيّط ~
مشاركاتي : 129
تاريخ التسجيل : 01/04/2011
الموقع: : دمام
 | | موضوع: ببسم الله توك جاي على بالي الأربعاء أبريل 27, 2011 11:52 pm | |
| سلام عليكم بسم الله الرحمن الرحيم
والسلام عليكم ورحمة الله وبركاته < سنع ماشاء الله عليك بس اخلص علينا .
< شرايك بهالوجه يستقبلكم 
مرة كنت راجع من الدوام , وكان الجو حلو بس جتني شطحة براسي وجلست افكر بالفريان , ايه ايه الفريان ماغيره , المهم رجعت للبيت وجلست جبت قهيوتي وفتحت التلفزيون والقاه قدام خشتي , بقناة الوطن 
قد فكرت بواحد وتلقاه ناط بوجهك والا مكلمك ؟! ... كثير صح ؟!
طيب أتحدى محد صارت له هالسالفة < الحين بيطيح وجهك ويجي واحد يقول ماصارت لي 
قد مرة بالبيت والا بالمدرسة تبي تسوي جريمة , وخايف يطلع ابوك والا المدير , وابوك كان بالدوام والمدير مب عاده يجي بمكان جريمتك , وفجأة يطلع عليك !! 
كلنا نحس انها صدف , وكثير لا فكرنا بشيء او بشخص نلقاه أو يحصل , طبعاً يقول لك ومع مرور الوقت صار فيه اهتمام انه العلماء يدرسون هالظاهرة الغريبة  , طبعاً العلماء مهب حقيننا علماء خواجات , طبعاً حنا ماعندنا وقت لهالتفاهات لأننا للحين مشغولين بقضية سواقة الحريم
المهم
هالعلماء اللي درسوا , ابتدوا بالبحث من خلال الاكتشاف اللي سوا نقلة بالتكنولوجيا وهو انتقال الموجات الكهرومغناطيسية بالأرض , ويمكن كثير مايعرفون هالمعلومة < يعني اني اعرف خخخخ
وبشطح شوي  , البعض يمكن شاف فيلم The prestige
وكيف انتقال الكهرباء بالأرض بدون أسلاك بحيث أنها أضاءت المصابيح .
طبعاً ضربت المثال لشرح الفكرة , كيف ان الطبيعة في الارض او في الهواء فيها موجات تنقل ملايين المعلومات
من هالنقطة , صار فيه فرضيات كثير عن التخاطر واللي خلوه بعدين كفرع من فروع قانون الجذب , كلام كثير وفرضيات بعضها تم اثباتها , والبعض الآخر شبه مؤكدة ,
لكن الأكيد ان هالدراسات ماجت من خرابيط , جت من شعور كثير يعيشه وبعض الناس يجيه هالشي لكنه ماقد فكر فيه ولا استغرب ...
التخاطر فسره علماء كثير وكل على حسب رؤيته لكن عموماً :
هو اتصال ( لا ) حسي بين طرفين أو أكثر يتم من خلاله مشاركه معلومات أو مشاعر , بدون وجود أي وسيلة اتصال حسي .
وعادة يقوى هالشيء بأفراد العائلة الواحدة , الأصدقاء المقربين جداً , هنا تكون هالإحتمالية قوية جداً , لأن فيه اتصال عاطفي بين هالناس , والتوائم من أقوى حالات التخاطر توجد فيهم .
كثير تفكر أنت وقروبك بتسوون حاجة , وبلحظة وحدة أنت وصاحبك تقولون كلمة معينة , بدون ماتكونون حتى تشاورتوا , تخاطر , الفكرة انقسمت بينكم من دون أي شعور منكم بهالشيء .
||
للحين البعض ما اقتنع ... طيب تعالوا شوي ...
انت جالس في الحرم في رمضان , وعقب ماخلصت التروايح مددت رجيلاتك تريحها , ولحطت أخوك الصغير يجيب لك موية , وأنت تشرب يرن جوالك , واثرها اميمتك الله يخليها لك . هلا بولدي هلا بالغالي ... الخ
بهاللحظة اللي رن فيها جوالك ... انت تدري بمحيطك فيه اكثر من مليون جوال !!
كيف أمك دقت على رقم , جاه الاتصال لك انت من دووون كل الناس ... ؟!
باستخدام الموجات الكهرومغناطيسية اللي بالجو , ومن هنا بدا الاتصالا اللاسلكي .. ولو تلاحظون أول كان فيه تشابك خطوط وتسمع سواليف الجيران بجوالك .. ! ومع التطوير صار تشابك الخطوط امر غير وارد .
وبنفس هالتفسير قال العالم البريطاني وصدق بالتخاطر .. وقال عنه : " إنها تشبه عمليات الإتصال اللاسلكية المعروفة... فالعقل البشري يموج بالإشارات الكهربية, التي تنتقل دوما بين المخ و الأعصاب, و تربطه بأعضاءالجسم, و عندما تبلغ عذه الإشارات حداً مناسباً, يمكنها أن تنتقل دون الحاجة إلى الأعصاب, فتسافر من عقل إلى عقل" !
نعم نستبعد , لكن بمجرد ماتطلق تفكيرك راح تصدق ,
لو اول تقول لشايب اننا ممكن بيوم من الأيام نوصل العراق بساعة , شاتك وقال انقلع مع البزران انهبلت انت !!
سبحان الله فعلاً لو تفكر أبعد , كيف كان الانتقال من القاهرة للقدس يحتاج 12 شهر , وهو الآن مايستغرق أكثر من 4 ساعات .
التخاطر ممكن نقسمه لقسمين :
1- تخاطر موجه .
2- تخاطر عشوائي
التخاطر الموجه : هو انك توجه معلومة أو شعور معين لشخص معين .
التخاطر العشوائي : هو انتقال المعلومات والمشاعر بشكل عشوائي ولأشخاص غير محددين .
ومثله مثل ماقلنا .. مثل الاتصال اللاسلكي , في البداية كان فيه تقاطع خطوط وبعدين انعزال وتوجيه تام , نفس الشي نسبة التخاطر عند الناس تختلف , ففيه ناس عندهم التخاطر معدوم وفيه ناس يشعرون بهالشي وتصادف معهم مواقف يشعرون بانهم فعلاً يعيشون هالتخاطر , وفيه ناس كانوا عاديين بالتخاطر بس اهتمامهم فيه وتركيز عقولهم عليه أصبحوا بارعين فيه .
والتخاطر عامة للأرواح .. سواء انسان او حيوان
تخاطر الانسان مع الانسان يحدث كثير , وأتمنى إن اللي سبق وحصل له مواقف مثل هذي يذكرها
أحد الأشخاص جاني مرة , قال اني كنت سرحان وأفكر , يقول جاء على بالي أستاذ كان يدرسني في الابتدائي , وحنيت للمدرسة وقررت أروح بكره الصباح اسلم على المدرسين ... يقول يوم دخلت وسلمت ع الكل , سألت عن هالمدرس قالوا توفى قبل يومين .. !!
مرة ثانية :
قد مرة كنت تسوق , أو رحت للبر أو وين ماكنت , وبغيت تسوي حادث أو تقلب السيارة , أو مرة كنت مسافر وتعبت , لقيت أمك تتصل فيك !
في الدراسات يوضحون أن الأم تعيش ارتباط كبير جدا جدا جدا مع أبناءها بالتخاطر , وأنها تشعر بعظم مايشعر فيه ابناءها , وعشان كذا تقلق الأم فنلقى بعد شوي سبب لهالقلق , ابنها يمرض او بنتها ترسب في مادة .
طيب نجي للحيوانات
فيه قصة مشهورة عن عالم , جاب مجموعة من الجمبري , وقسمهم قسمين
القسم الاول حطهم في علبة , والقسم الثاني اخذهم لغرفة ثانية وحطهم في موية مغلية , وكل ماراح للقسم الاول في العلبة يشوف واحد واحد يموت , من دون سبب مع توفر اجواء للعيش !!
تخاطر أقوى ,
وهو اتصال الحيوانات بالأرض
لما الغابات تحترق , قبل الحريق بوقت تجد الحيوانات والطيور تبتعد عن مكان الحريق
ولما الزلازل تكون قريبة , فان المخلوقات البحرية تغادر مكان الزلازل في البحر
والحيوانات البرية تغادر مكان الزلازل في الارض .
طبعاً البعض بيقول هذا من رب العالمين
وفعلاً هالشي صحيح
كل شي من ربي , عقولنا من ربي , لكن هذي تفسيرات ومصطلحات ماتنكر شي ولا تغير من شيء
||
نرجع لتخاطر الانسان
من الملاحظ ان حالات التخاطر الظاهرة تكون مشاعر حزينة , وهذي بسبب انها مشاعر عميقة تحدث التخاطر بشكل فاعل , فشعورك بالأسى على شخص بدون أي مناسبة لتذكره , وفجأة بعد يوم تسمع عن خبر سيء بخصوصه .
كذلك اتصال الأموات بالاحياء بالنوم وهو نوع من التخاطر ومؤكد :
كثير تجي الناس منامات اللي يشوف ابوه واللي يشوف قريبه واللي يشوف صديقه
منامات حقيقة تعطيك معلومة .
قبل سنوات , أحد الأصدقاء حلم انه في ليل سماء هالليل خالية من النجوم فيه 3 من الأقمار مكتملة كالبدر , وقريبة جداً للارض بحيث انها صايرة ضخمة جداً جداً
من بكره حلم نفس الحلم , ولكن بهالحلم سقط واحد من الأقمار .
بنفس اليوم اللي حلم فيه , توفي زايد بن نهيان .
بعد فترة حلم بنفس الحلم , والقمر الثاني سقط
بنفس اليوم توفي ياسر عرفات
بعدها بأيام حلم بنفس الحلم , فتوفي عمه ( الاقرب ) لقلبه
||
الكلام طويل جداً , ويتفرع
وما قصدت اطول لكن الحديث ذو شجون < تراه تعبان على الكلمة لا تفوتونها , قدروا ابداعه
الأكيد إن الإنسان متى ماكان صافي التفكير , تحدث له هالعملية , والبعض ينتبه لهالشي والبعض الآخر لا .
فيه جزئية بسيطة قبل أختم وهي التنبؤ
ولأنها فيها فرضيات وتدخل في علم الغيب ماراح أتحدث فيها .
لكن التخاطر والشعور بالآخر ثم تسمع عنه خبر أو تشوفه , هو شيء حقيقي ويختلف تماماً عن التنبؤ .
____________________________________________________________للي يدخل ولا يرد تستهبل مثلا[size=16]المهم لاتنسون التقيم هع | |
|
❤Š.Ғ.à ❤
نائبة المديرة
مشاركاتي : 8348
تاريخ التسجيل : 05/11/2010
الموقع: : http://so0so0.roo7.biz/
| | موضوع: رد: ببسم الله توك جاي على بالي الخميس أبريل 28, 2011 1:40 am | |
| اي والله صااادقه
كثير تصير
مشكوووره التقييم ياعسل | |
|
Queen moi
|| عضو نشيّط ~
مشاركاتي : 129
تاريخ التسجيل : 01/04/2011
الموقع: : دمام
| | موضوع: رد: ببسم الله توك جاي على بالي الخميس أبريل 28, 2011 5:29 am | |
| | |
|
❤Š.Ғ.à ❤
نائبة المديرة
مشاركاتي : 8348
تاريخ التسجيل : 05/11/2010
الموقع: : http://so0so0.roo7.biz/
| | موضوع: رد: ببسم الله توك جاي على بالي الخميس أبريل 28, 2011 5:31 am | |
| | |
|
