Queen moi
|| عضو نشيّط ~
مشاركاتي : 129
تاريخ التسجيل : 01/04/2011
الموقع: : دمام
 | | موضوع: عندما استيقظت نام حظي <<< الأربعاء أبريل 27, 2011 3:55 am | |
| *
موسيقى تصويريه للمشهد وهدوء يُرتقب ليُفتح الستار ويسلط الضوء علي  كنت جالسه أتأمل ملفه الشخصي ومرتخيه لدرجة كدت ألامس الأرض من الرقه بإحساس ينافس إحساس أليسا بأغنية ع بالي  ومحاوله دلع فاشله لأبعد خصلات شعري عن وجهي فـ أبت أن تبتعد لولا خوفها من تخريب المشهد ! وإستمراري النشاز بترديد أغاني أبو نوره أعترف لك , خواف , المعازيم إلى أن أنتهى بي المطاف بأغنية يا مستجيب للداعيبعد ما جلست مايقارب العشرين عام وأنا أحسب كل أغانيه وطنيه !!  لكن هناك شئ ما ينغص علي رومانسيتي ويحاول قتل أنسجامي بوحشيه بالكاد يوجد بكل بيت ويتكاثر اللعين هذه الفتره أنه النامس قاتله الله  بينما أنا أستمع للسلطنه ويدي على خدي مدري خدي على يدي وتارة أحك كتفي وتارة خدي وتارة أخرى أتفاجأ بأني أصفع خدي ليكون الكف صاد عصفورين بحجر وأستيقظ من أحلام اليقظه وأدرك أنني موسوسه .. فكيف لي بحب شخص عن طريق النت !! عدم إقتناعي بهذا الشئ هو (السبب ) كوني لم أخبر أحداً ,, أقفلت كل شئ أمامي وتفرغت لهادم اللذات مفرق الجماعات ( البي بي )وأنسلخت من مشوشات الفكر تماما وبدأت هذرتي المعتاده مع رفيقاتي نتناول ما يجول في الساحة البيبيه وكان وقتها الأنتفاضه التي قام بها الشباب السعودي عساهم للنافض اللطيفين أصحاب الشفايف الورديه على الفتاه السعوديه اللي ما أنخلق منها إلا وحده والثانيه ماتت موؤده برضو من الشباب السعودي وأن ركبتها سوداء ومحسحسه كنها صاجه محترقه مايدرون أنها حبة عيني ماخلت شئ ما سوته لا حمامات مغربيه ولا ليزر ولا تقشير وكريمات أشئ فراوله وأشئ فانيليا وأشئ شوكلاته صايرتن كنها كيكه تبي من يأكلها بس الود ودي أحط لهم صور البنات اللي بالجامعات والمدارس والحفلات خل يشوفون الزين والركب البيض بس خايفتن من ربي ومنكر ونكير اللي بين عيوني وهو لو فيه خير بدل ما يضحك اللي يسوى واللي ما يسوى نقز وجاب لهن جليسوليد  مهوب جالس بالأستراحات وفالح بس يذب على البنات وآخرة هالهياط يعرس عليها ويحط زواجه في أستراحه في الشفا وإلا قال وش لزومه الزواج خلينا نوفر فلوسه لشهر العسل وأي سفر وأي بصل والنهاية في جده وإلا الخبر وأن كان ولد نعمه وين تتوقعون يروح ..؟ مايحتاج سؤال ! حبيبة الشعب كوالالمبور النسخه السعوديه أشور عليهم لين أختفت جده من الخارطه يسحبون ماليزيا بدالها ألزم ماعلينا راحته وشو له المشوره رأس ماله هالكرشه هي العلامه الفارقه بهالسعودي ( والله أني أكتب وخايفه تروح هيبتي بهالموضوع هههه ) مالنا غناة عنهم رأس المال -> الحرامي إذا نوى يعترف قام يحوم حول الجريمه  إيوه وش كنا نقول ؟ أي تذكرت رميت جوالي على حافة السرير رميه خفيفه كي لا يسقط "وأتوهق وأجيب غيره " وتناولت قطعة السفن دايز حتى أسد جوع بطني ومن ثم أذهب لسد جوعي العاطفي خلف قضبان ملفه الشخصي ..وقبل قولي الحمد لله يخرج صوت مخيف من تحت سريري "" لا تذكرين الله لا تذكرين الله " "   لا أخفيكم أمرا فقد زارتني أم الركب ولأول مرا في حياتي وبدأت أشعر ببروده في أطرافي وقشعريرة وفقدت القدره على تحريك أي عضلة في جسدي حاولت رفع يدي لإنارة المصباح فأمسكت بها !!أنها الجنيّه ( هذا الجزء يوجد فيه مشاهد مخيفه لا يُنصح به ضعاف القلوب وأقل من 18 ) > قولي لايت وأخلصي عندما أمسكت بيدي توالت مني صرخات لتطبق بيدها الأخرى على فمي وتقول " مسويه خايفه !! انطمي وأسمعي وش بقول لك "أغمضت عيناي وهي ممسكة بيدي وأكملت حديثها :( لا تخافين أنا مسلمه مثلي مثلك وساكنه بغرفتك من زمان أنا وزوجي والله يا أنتي أجوديه وما تزعجين أحد بس لو توطين صوت الأغاني بالليل لأن عيالي وراهم مدارس , اللي بقوله لك نصيحه من مجرب , تراني راحمتس يالضعيفه " يوم قالت ضعيفه بغيت أقول عساتس للضعفه بس تذكرتأنها جنية وما ينمزح معها " هاللي تسوينه في نفسك غلط وش اللي تحبين وعايشه قصة حب يا فاتن حمامه , الحب مايوكل عيش يا إنك تصارحينه بحبك يا أتركي ملفه الشخصي عنك وإذا تبين طريقة ثانيه حصريه عندنا أخليك تشوفينه وتكلمينه بدون ما يدري )أحسست بالحرارة بدأت تعود لجسمي وأحسست بالإحراج من تلك الجنيّه وهي تنصحني وتعرض علي خدماتها المخيفه فتحت عيناي رأيتها إذا بها تصغر وتصغر وتصغر حتى أختفت من أمامي سحبت غطائي على وجهي وشعرت برعشة شديدة تسري في جسدي فتحت عيني مرة أخرى علشان أتأكد ! خبركم المقالب صارت زي شربة المويه .. لكني وجدتها تبتسم قائله : ( قال أيش قال خايفه قومي لا أرفس بطنك وأخلي قناة فالوب تصير قناة الشارقه قومي قام عصبك )تلحلحت من سريري مثقله خائفه وجله بين تصديق وتكذيب بين ترغيب وترهيب أقتربت مني وجلست على طرف سريري وقربت أكثر لأشم معها عطري !! لا يالملعونه أثرها تتعطر من عطوراتي وأنا أقول عطوراتي تنشف في القيض وضعت يدها على كتفي وقالت " جربي ماراح تخسرين .. بخليك تشوفين كل شئ بعينك بدون ما أحد يحس ونسترق السمع سواء وتسوين أي شغله في بالك بس لا ضرر ولا ضرار اللي هيمانه فيه بأخذك لبيته متى ما بغيتي بركبك سيارته وأخليك تسرقين السي ديات حقاته ههههه بخليك تدخلين غرفته وتشوفين سريره وملابسه بخليك تجلسين معه بين أهله وفي أستراحته وش تبين أكثر من كذا !!"شقت إبتسامتي آجا وسلمى وجلست أقهقه بصوت عالي قلت : موافقه موافقه يالله متى نبدأ ؟قالت : أول شئ قولي آسفه لا تحسبيني ما دريت عنك يوم قلتي يالملعونه بسرعه قولي آسفه ضحكت بصوت مهب عالي مره وضربت على كتفها يوووووه أثرك ما تفوتين شئ .. خلاص أسفه بس يالله متى نبدأ أنا مستعجله أخاف أقرأ آية الكرسي وتطيرين قالت : أول شئ جربي وبعد التجربه نسوي اللي تبين أختاري أي مكان ودك نجرب فيه تبين زواج تبين عزاء تبين ملكه تبين شارع تبين جامعه أختاري ياللهجلست أفكرر على مضض وكوني أنا وحكم المباراه نصدر قراراتنا في ثواني قررت أن تكون التجربه في ملكة بنت عمي هذا المساء فـ وافقت وصافحتها بحرارة وعادت لمقرها تحت سريري برفقة زوجها وأطفالها  ..لم تنم لي عين ذلك الصباح ولم يهدئ لي جفن , أتقلب على سريري وأنتظر بلهفه حضور المساء وملامسة شغاف القلوب ورؤية الخفايا مجرد إحساسي أنني سأخترق البروتوكول وأعيش عالم الجن أمر مخيف , خيالي دخل موسوعة غينيس كأقوى خيال كل ما طرأ ويطرأ على قلب بشر دار في مخيلتي لدرجة أنني أحسست أن سعراتي الحرارية فقدتها بسبب خيالي وهنا أيضا أجدني أدخل موسوعة غينيس كأول براعة إختراع وإكتشاف سمعت صرصره من سريري , فعلمت حينها أنها أستيقظت أقبلت نحوي تجر خطا متكاسله ناولتني كأس ماء لونه أزرق وقالت : أشربي كل نص ساعه منه ولا يجي المغرب إلا مخلصته كله وأستدارت بظهرها هممت بشرب الكأس الذي لا طعم له ولا رائحه حتى حان المساء ونهضت للأستعداد للحفله بينما هي كانت خلفي تنظر إلي وترضع طفلها الصغير ألتفت إليها : أقول ما تقدرين تحطين على وجهي ستيكر لمنى آمرشا ؟ قالت : يابقره أنا جنيه أيه بس مب تخصصي الخداع البصري ألبسي وأخلصي علينا ورانا أشغال " زميت شفاهي وتمتمت ( يالله وش هالجنيه الفاشله ) أنتهيت وأمسكتُ بيدها ذاهبين إلى مقر الحفله .. جلست بالقرب من أخوتي على تلك الطاوله رآيت العدد أضعاف الأضعاف ماهي إلا ثواني وأنطمستمن الوجودوأصبحت معها نتخبط ونشق الطاولات ونمشي نرقص نكش كش على العالم ومأخذين راحتنا على الآخر سحبت يدي وقالت تعالي نجلس مع الطاوله ذيك ونشوف وش يقولون ؟ جلسنا وسمعت الحش على أصوله سحبت يدي مرة ثانيه ورحنا لطاوله جديده وطول الحفله نتنقل من طاوله لطاوله وجاء وقت الزفه وجلسنا أنا وياها في الكوشه معهم لدرجة أني صورت مع زوجها كمقلب يعني -> هذا مقلب يالصعيديه !لحد ما جاء العشاء قلت لها في شئ بخاطري بسويه عن قولة تحليل الشئ قالت ما عطاك الا الله سوي الي تبينه ما بقى لك الا ساعه وكل اللي بالقاعه يشوفونك وأقوم أخذ عشاي وأجلس في المنصه وأرفع فستاني وأربطه وألم شعري وأتعشى بيديني وأناظر الحضور الغفير وأنا بقمة سعادتي  قومتني بسرعه وقالت يالله الساعه بتخلص ماله داعي يشوفونك بهالمنظر مسحت يديني في فستان وحده من اللي جنبي وركضت مهروله نحو البوابه وجزمتي في يدي قلت لها طلب أخير تكفيييين قالت بسرعه الوقت بيخلص قلت خذي جوالي صوريني وأنا متشقلبه على درج القاعه أبي لين رجعت البيت أوري خواتي الصوره وأعلمهم أني صرت جنيه هههههههه خذت لي صوره وطلعنا من القاعه مودعين الذكريات الجميله عندما ركبت السياره إذا بأمي تتصل رديت عليها بصوت واطي خفت تعرفني وأنا جنيه .. و أعطتني خطاباً شديد اللهجه وقالت تعالي أنا في بيت خوالك تخلخت عظامك ذهبت إليها منهمكه متعبه .. ولكن تعبي زال تماما بعد ما تذكرت أنني الليله سأرى ملهمي وفارسي وسأعيش تفاصيله وسأهمس له جل ما أريد دخلت غرفت خالتي وأرتميت بحضن سريرها عله يمتص تعب تلك الرحله لأتفاجأ بطرق أبنها أبن الخامسة عشر ربيعا الباب مصوتا أن لاب توبه يوجد على المكتب قمت بفصله من الشاحن وتوجهت نحو الباب لإعطيه ما أراد ولكنني تفاجأت !! عندما سقطت عيني على تلك الصفحه أنه هو !! هو ذلك المعرف !! أغلقت عيناي وفتحتها مرة أخرى لعله يكون تأثير الماء الأزرق لكنني لا أحلم نعم أنه فارس أو ما يلقب بفروسي المدلل هو ذلك الشخص الذي طالما حلمت به هو الدب القبيح نعم هو الذي لا يعرف أن ينطق حرفان على بعضهما هو من تدحرجت على سريري وداعبت خصلات شعري ورددت أغاني أبو نوره من أجله ياللعار !( خلاص قفلوا الستاره )هالموضوع وليد اللحظه .. إهداء لدوبه ولكن ولكل أعضاء القهوه وأوجه تحيه أيضا لأعضاء الذهبيه > طلعوها لا تكتب وصيتها منقوووووووووووووووووووول | |
|
Queen moi
|| عضو نشيّط ~
مشاركاتي : 129
تاريخ التسجيل : 01/04/2011
الموقع: : دمام
| | موضوع: رد: عندما استيقظت نام حظي <<< الأربعاء أبريل 27, 2011 11:36 pm | |
| وين الردود 8 يدخلون ومااحد رد | |
|
عشـقتـهـــہ بسكــآآت ™
|| عضو مميز ~
مشاركاتي : 764
تاريخ التسجيل : 09/08/2010
الموقع: : فُيْ قًلـَـوبْ احُبٍتـَي !!
| | موضوع: رد: عندما استيقظت نام حظي <<< الخميس أبريل 28, 2011 2:50 pm | |
| | |
|
