من فضل الله أنا سعودي
هذي الأرض الحره حدودي
أرض أجدادي نبض فؤادي
شمس الدنيا مسرى الهادي
هذا الوطن الغالي بلادي
مصدر عزي سر وجودي
هذي الأرض الحره حدودي
يا بلادي من علو إلى علو
ما يزعزع ثابت اركانك عدو
ما يدنس طهرك بلادي غلو
حي وجه الخير.. حي الله جديده
حب من الله لعبدالله يزيد
يا ملكنا فيك ما تكفي.. قصيده
وما تغني الروح حي الله قصيد
قال أبو متعب لنا الجمله المفيده
قال ما يغني وبين ما يفيد
الوطن في قلوبنا دين وعقيده
من وقف دون السعوديه شهيد
والعمل يدني مرامينا البعيده
والصبر ينبي عن الباس الشديد
يا وطنا لك علينا ما تريده
لك علينا يا وطنا ما تريد
حنا هل الطوله.. تواتر علمنا
ما همنا من ذمنا ما همنا
ما ضاقت صدور العتب من حملنا
صدر السعوديه بحب.. ضمنا
حنا وهي ياللي تبينا دلنا
في عيون عبدالله ترانا كلنا
الله عليها دارنا ما مثلها
حنا لها حنا ملكها واهلها
حنا وهي.. ياللي تبينا دلنا
في عيون عبدالله ترانا كلنا
**************************
يالله ياخالق اراضين وابحار **** الواحد المعبود رازق عبيده
الخالق الغفار علام الاسرار **** وفرق شعوب الارض في كل يده
وابدي واسولف من عذيبات الاشعار **** ابيات شعر والمعاني وكيده
اشري وابيع واعرف كيف بختار **** واختار من جزل البيوت الفريده
وذ كرتراث وعز وامجاد وافخار **** قبائل تومن بدين وعقيده
وصلت حضارتنا على سطح الاقمار **** ابنا الجزير والجزيره مجيده
في ظل حكام لهم فعل واشوار **** ال السعود اللي تفك الضهيده
نسل الزعيم الحاكم العادل البار **** مجدد امجاد الجزيره بجيده
حتى اصبحت حره وحنا له انصار **** في ظل اخو نوره هنوف سعيده
وصارت لابو تركي بطوله وتذكار **** والفخر والامجاد تبقى شهيده
وخلف لنا املوك لهم فعل واخبار **** الشعب واحد والقياده رشيده
والامن بانينه على ساس وجدار **** وقرو على العابث عقوبه شديده
وحنا حماة الدار من كل غدار **** وما همنا بطشه وخبثه وكيده
قبائل مالحقناهم اوعار **** وعشنا بهذي الدار عيشه رغيده
والحمد لله نحمده سر واجهار **** شعب تكاتف من سنين مديده
ودون الوطن جيش على كل معبار **** لارفرف البيرق ونادى عقيده
بشرق البلاد وغربها دوم حضار **** وارض الشمال اللي نفوده مديده
وارض الجنوب اللي تخيضر بالاشجار **** جزيرة فيها القبايل عديده
ارض بها قحطان وافين الاشبار **** وياعز منهم بالشدايد بسيده
واذكر عتيبه يوم للطيب مغوار **** لا ثارت الهيجا وقرب ضديده
وشمر هل الطولات والجود مقدار **** اهل الكرم واهل الفعول الحميده
وقوم اعنزه مروين الاخصام الامرار **** اولاد وايل من عصور عهيده
ومطير قوم تكرم الضيف لا زرار **** وياويل خصم في حراهم وعيده
واذكر قبيلة حرب يانعم الاخيار **** وتاريخهم يحكي سطور مجيده
وسبيع نعم القوم ووجيه الاسفار **** زبن الدخيل ليا زبن من طريده
واذكر قبيلة يام والطيب يندار **** اهل العلوم الوافيه والرشيده
ثم الدواسر تجعل الخصم منهار **** عيال زايد عز منهم سنيده
ثم السهول اللي لها الطيب مدرار **** وعن منهج العادات ماهي محيده
ثم اذكر العجمان حماية الجار **** والمرجله والجاه فيهم عتيده
واذكر بني مره طويلين الاعمار **** ما ينقد المري ولا له نقيده
ثم الهواجر لابة تقدح النار **** اهل الركاب اللي خطاها بعيده
واذكر بني خالد قبيلة وامار **** قوم لهم في المجد قول ورصيده
وبني تميم اللي لها الطيب مصدار **** بني تميم وكل فعل تجيده
ثم الزعوب اللي بها الخصم يحتار **** شجعان ماترضى سوا ماتريده
العازمي وافي وفي الطيب بيطار **** روحه على كل المصاعب صميده
ثم الظفيري في المصاعيب جبار **** والطيب والامداح باصله وطيده
ثم اذكر الاشراف بجلال واكبار **** اهل الحجاز اللي تفك الزهيده
ثم الهذيلي له مواقف ومندار **** راعي الفخر راعي العلوم السديده
ثم البقوم اللي لهم جيش وامهار **** ريف الضيوف ليا لفاهم وليده
واذكر ثقيف اللي لهم مجد وآثار **** ومهما حسبنا من كلام نعيده
وبلحارث اهل العز بشهود واقرار **** ا لحارثي ياطيب فعله وجيده
والمالكي معروف لا صار ما صار **** في موقف اهل الطيب يبذل جهيده
واثني تحياتي عدد وبل الامطار **** على سليم وكل خصم تكيده
واذكر جهينه هل مواقيف وادوار **** تلقى الجهيني راسم الطيب بيده
واذكر بلي والمجدله فعل واظهار **** وتاريخهم يحكي فعول فريده
وبني عطيه في المواجيب حضار **** قوم بوقت الجد قوم عنيده
ثم الحويطي والكرامه له اشعار **** ثم الشراري له فعول مفيده
ثم الرشيدي في الصعيبات صبار **** على علوم الطيب فعله يزيده
وباقي جنوب الدار والقاف مادار **** باقي على قلبي كلام واشيده
زهران نعم القوم في وقت الاضرار **** والخصم عينه من لقاها سهيده
والغامدي معروف له عزم واصرار **** راعي المراجل والعلوم المفيده
وشمران قوم والجمايل لها اطوار **** وبلقرن سم للقلوب النكيده
والاكلبي والمحلفي مابعد بار **** والحارثي طيبه وفعله يشيده
وبني شهر وبني عمر سيف بتار **** قوم على الاخصام نار وقيده
والاسمري والاحمري صيتهم سار **** بين القبايل والمواقف شهيده
واذكر عسير الهول ذربين الاذكار **** وابها احتموها فالسنين الشديده
وادهم والصيعر على حد الاقطار **** يحمون حد الدار من اللي يريده
وامشي مع الساحل مع جمله افكار **** رسمتها والطير زان اتغريده
وانزل على جيزان تاريخ واديار **** ورجال فيفا والقبايل عديده
وارجوا العذر واهل المواجيب عذار **** الي نسيته مانذكر في القصيده
الواهبي عدد ابيوته بالادوار **** من شاعر ماشل قلبه حقيده
شهران ربعي هم هل المدح والكار **** واهل الكند واهل السيوف الجديده
يوم البلد مايامن الزند لاثار **** زيزومنا ابن مشيط نعم الوليده
فالجهل شجعان وفي السلم تجار **** من بطن بيشه للتهم لارفيده
حبيت ابين موقفي بين شعار **** وارجوا سموحتكم على ذا النشيده
ماحب انافق واتعنصر تعنصار **** ولا ني باطيع اهل العقول البليده
ما كل من طب البحر قيل بحار **** وما كل من شل الفشق جاب صيده
فالشعر بستان به ورد وازهار **** واللي تعداها بيوته فقيده
واقولها في الشعر تكرار وامرار **** ضرف بلا عنوان يلغى بريده
وبعض السوالف له مواقف ومحضار**** وشعر بلا معنى لزوم نبيده
وصلوا على المرسول شفاع الابرار**** محمد الهادي وقدوة عبيده
*************************************
انشدوني عن اللي زعلت الكون لرضاه
وغلاه في القلب دايم الـدوم يـزودي
قلت ماغيره اللي كل هالكـون يفـداه
جعل ربـي يحفظـه ذاك السعـودي
ناذر مافي منه فـي هالكـون اشبـاه
ظفر منـه يسـوى مليـون يهـودي
وقـت الضيـق قبـل تطلبـه تلقـاه
لله فازع لك ما يبـي منـك جـودي
هرجه مثل العسل ياويلي مـا احـلاه
كل مانطق عقلـي يصيبـه شـرودي
الشمري ولد حايل كل العمـر يفـداه
لا قال يا بعـد حيـي كلـي اذوبـي
وولد الرياض ما اطيبه ومـا اقسـاه
في هرجه جامع القسـاوه والعذوبـي
ويا ويلي من ولد جده يا الف ويـلاه
دلعه يسـوي بـي سـواة الرعـودي
ولد المملكه انسى عمـري ولا انسـاه
جعل عمري يروح عقبه ولا يعـودي
بعالي الصوت انادي واقـول اهـواه
ماهمنـي قـول واشـي او حسـودي
لاتنشدوني ليش زعلت الكون لرضاه
الجواب تلاقونه عنـد كـل سعـودي
****************************
°° أحـمــد °°
أحــمـــــد ابـــن الــعــــــرب ابـــن الأصــــــول
مـن عـرفـتــــه أحـمـــــــد اللـه والـظـــــــروف
لي جـمـعـتـنـي بــحلـو الـطـبـايـع والـوصــوف
لا حــرمـنـي ربـي مـن هالـقـلـب الـعـطــــوف
°° بــــدر °°
بــدر شوفـتـك تـخـلـي الواحـد يـنـبـهـــر
لا مـــر طـيــفــك كــلـن صــوبــك نــظــــر
ارتـســم فــيـك الــزيـن بـأحـلـى الـصــور
أشهــد إن قــدرك غـيـر عن كـل الـبـشـر
ويـل مـن حـبـك صـار قـلـبـه فــي خــطـر
°° جــاسـم °°
بـحـبـكـم صــــــار الـقـلـب هـــايـــم
مـزيــون ولـو تـوك مـن الـنـوم قـايــم
مـيــزك ربـي بـالـعــقــل الـفـــاهـــم
عـسـى دربـك مـن الـخـطـا ســالــم
°° جــابــر °°
جـيـتــك تـشـرح الـخـاطـــر
شـوفـتـك تـبـهـج الـنــاظــر
جـبـرت الـقــلـب يـا جــابـــر
°° حــمـــد °°
حــمــــد بــدنـيـتــي إنـــت عــــون وســـنـــد
شــــرواك مـا شـفــــت فـي هـــذا الـبـــلـــد
مــا ألـــــوم الــقـلــب فـي حـــب هـالـــولـــد
الـحــــلا والــزيــــن .. كـــلــه فـيــه انــوجــــد
الـعــيــن مـن شـوفــتــه مـا تــشـبـــع أبـــــد
وفـي الـفــــؤاد مــنـزلـتــه مـا مـثـلـهـا أحــــد
°° حـســن °°
عـشقت حـرف الحـاء من بـد الحـروف .. كل ما نـطـقت الحـرف اشرق في حــلاه
اتجمعت في شخـصه أحـلى الوصـوف .. متفرد بالحسن وقلبي عايش في هـواه
طـبـعـه سمــــــوح .. قـلـبـه عـطــــوف .. وبـيـن الـنـاس دومــه عـالـي مـستــواه
°° خــالـد °°
يـا مــن حـبـــه بــقــلـبــي خـــــالـــد
بـدونـك أحـس إنـي للـكـثـيـر فـــاقــد
الـسـعــاده والـرضــا أنــا مـنـك رايــــد
مـن عـرفــتـك وأنـا لـلـــرب حــــامــــد
يـحـفــظــك ربــي مـن كــل حـــاســـد
°° خـمـيـس °°
أحـلى ونـيـس فـي وحـدتـي
خــيـر جـلـيـس فـي دنـيـتـي
بـشـوفـتـك تـكـبــر فـرحــتـي
°° زايــــــد °°
حبـــــك فـي قـلـبـي زايـــــــد
سلـمـك ربــي مـن شـر الـحـسـايـد
لـو بـوصـف لـو بـقـول ما تـوفـيك القـصـايد
عـالي الشأن وفي الشهـامـه دوم لك عـوايــد
°° سـعـــيـد °°
حـــظ مــن هـو بـبــالـك يــا سـعــــيــد
دمــــك خـــفـيـف .. طـبـعــك عـنـيـــــد
حـسـنـك وأبـدع صـورتـك رب الـعـبـيــد
عـســاك دايــم مـهــتـنـي وسـعـــــيــد
°° سـلـطـان °°
حـكمك عالـقلب سلـطـان
يــا أحـلـى وأروع إنـســـان
غلطان من يكرهـك غلطان
ولي ماعرف قلبك خسران
°° صـــلاح °°
مـيـزك ربـي بـالـوسـامـه والـصـــلاح
وأنـعـم عـليـك بـالـوصـايـف الـمـــلاح
قـربـك فـيه الـسعـــاده والارتـيــــــاح
عـساك دايــم فــ مـسـره وانـشــراح
وفـقــه يــا رب واكــتـب لـه الـفــــلاح
°° عـمـــر °°
ويــــااااك ابــتــــدى أحــلــــى عــمــــــر
قــربــك نـســـانـي مـعــنـى السـهــــــر
كــريــم فـي عــطـــاءك مـثــل الـنـهـــــر
مـنـزلـتـك غــيـر عـن بـاقــي الـبـشــــــر
فـ قـلبـي حـبك عـايـش عـطـول الـدهـــر
°° عــلـي °°
عـلى هــونـك عـلى قــلبـي يـا عـلـي
وش حيلـتي لي قـلتـلي بيـن رمشك مسكنـي
يـا علـي دومـه قـدرك بيـن الـنـاس مـعـتلي
يـا عساك دوم في سعـاده مـهـتنـي
°° عـبــدالله °°
عـبـــــــادي يـــا ولـــد بـــــــلادي
حـبــــوب وطـبــعـك هـــــــــــادي
كــول وكـل شـي عـندك عـــادي
وفــي الـقــلـب قــــدرك عــــالـي
°° عـبـدالـكـريـم °°
طـبـعـك كــــريـم يـا عـبـد الـكـريـــــم
عـطـــوف وبـغـيــرك دومـــك رحـــيــم
عـقـلـك كـبـيــر وتــفـكــيـرك سلــيـم
وفــــوق كــــــل هـــــــذا وســـــيــــم
°° فـهـــد °°
فــهـــد شـــرواك لـلحـــيـن مـا نـولــــد
حلو الكلام والفعال شهم الطبايع يا ناس هذا فهد
حنون في قسوتـه مـثله ما شفـت أحـد
سـلـمـك ربــي مـن العــيــن ومـن شــر الحــســد
°° مـحـــمــد °°
مـحــدن شـراتـك يـا مـحـمــــد مـن الـبـشـــر
يـكـفـي اسمـك الغــالي .. اسم أغـلى البشر
حبـكم السامـي في الـقـلب والـروح انـحـفـــر
وقـدركــم الـعــالـي يـبـقـى ع طــول الدهـــــر
°° مشـعـــــل °°
حبيبي قلبي وعمري
حبك في قلبي شعللني
يـحـفــظــك ربــي مـن كــل حـــاســـد
حسنـك وزينـك دومـه كـايـد الـعــذال
الـغـالـي حبـك ما عـطى لـغـيـرك الـمـجــال
°° مـبـــارك °°
حــيــرتـنـي يــا مـبــــارك فــي صــفــــاتـــك
مـتـمـيــز في حـلاتـك ويـعـجـبنـي سـمــارك
يـنـشـرح الـبــــال لـي وصــلـنـي ســـلامــك
ومـا أعـذب الحـروف يـوم تـصـدر من شفـاتـك
عـساك تـعـيـش مـتهـني وسـعيـد فـحـياتـك
°° مـــانــع °°
للـخـيـر دومـك فـاعل وللـشـر دومـك مــانــع
مـن شـفــاتـك كــل خــيــــر ســــامــــع
فـي حـيـاتـك تـسـعـى لـكـل نــافــع
عـســـاك للـراس دايــم رافــــع
°° نــاصـــر °°
عـلي بـعــدك أنـــــا صـــابـر
ولـشـوفـتـك بـظـل نــــاطــر
فـي الـقـلـب دومـك حـاضـر
يـسـعــدك ربـي يـا نـــاصـــر
°° ولـيـــــد °°
يـا رفـيـع الـشــأن يـا ولـــيـــد
يـعــل عـمــرك دايـــم مـديــــد
لا تـبـتــعــــد عـنــي بـعــــيـــد
بـدونــك أظـل عــايـش وحـيــد
***************************
يا صقور الأرض قومي معلنـه استنفـار قافـي
صفـي طروقـي جنـود تحمـل حروفـي سيـوف
اسطري جباهي رماحً حاملـه عـرش السنافـي
جاعلـه الحانـي خيـولاً والعبيـد أهـل الحـروف
انقشـي غيمـة سمانـا سـارعـي للمـجـد كـافـي
حامله الخفاق الأخضر نخلـه وسيفيـن وقـوف
زلزلي وصوفي وصوف توصف القرم بقوافي
ليتنـي خاتـم بإصبـع وسيـف يمنـاك وكـفـوف
مـن ظنـا عبـد العزيـز أسمـه الصـقـار وافــي
لا وقف زلـزل معالـم ولا حكـى أرعـد عنـوف
من هل إل عوجا أصوله رجـل وفعولـه توافـي
شرس بأطباع المعارك قايد جيـوش الصلـوف
اسمه العبد الله حاكم شعب الصقـور الصلافـي
قومـي سعوديـه وهلـي بالقصيـد الحـر جـوف
فعولـه تسابـق مقولـه قالـهـا ذاك السـنـا فــي
يهـزم النـاس بفعـولـه كلمـتـه وحــده تـعـوف
هـذي أوصافـه فديتـه والـدي شيـخ ألضفافـي
تبـدأ بوصفـه بسـيـف يـبـري العـلـة تـشـوف
زوله السيف بمقامـه وقفتـه كالرمـح (شافـي)
ويـده البيـراق عـالـي شـارتـه تـاقـف ألــوف
يا صقر صقر العروبة بالنظر ترعـب ضفافـي
رفـة جناحـك لمـرة تهلـك جـيـوش وصـفـوف
لا حكـى بالقـول مـره هاضـت شمـال طـوافـي
ولا بـدء بـأول حديثـه قامـت جـنـوب تـطـوف
بـالإشـاره يــم شــرق فــزع رجـــال عـنـافـي
متـبـع نـهـج الإشــاره يــم غــرب بالـعـنـوف
لا مـشـى دربــه يقـيـن متـبـع نـهـج العنـافـي
كنـه السيـف المسنـن لامعـا نصـلـه لسـيـوف
(لا الـــه إلا الله ) شـرعــه الإســـلام شـافــي
(محمـد رسـول الله) سيفـه المنقـوش شــوف
بكـفـه الأيـمـن نـقـوش كلـمـة الـحـق لمـلافـي
يعطـي المظلـوم حقـه مـا يضيـمـه أي خــوف
فـي جبينـه حـر تلقـى نقشهـا مـذهـب لـوافـي
تعطـي أوصافـه بنظـرة قالهـا جبينـه وصـوف
وش بقى بالشعر معنى لأجـل أوفيـه بتـوا فـي
غير كلمة أب غالي يا أبـو متعـب لـو تشـوف
لسيدي الأعظم مليكـي هـاك منـي هـال قوافـي
هذي أبياتـي تـردد شهـم بأفعـال .... العنـوف
السموحـه كـان قصـر حرفـي المعـنـي بقـافـي
والصلاة على الرسول سيـد النـاس بصفـوف
********************************
الوطن
دون الوطن ناقس ولو صار ماصار
الناس ترخص وروحها في وطنها
سقنا على شان الوطن غالي الاعمار
روح السعودي فللوازم رهنها
من شان عز بلادنا ناطة الاخطار
اجسادنا تربة وطنا كفنها
***************************
