على ( كف الكفن ) تنبض بقايا روح مجروحه ,,

على ( كف الكفن ) تنبض بقايا روح مجروحه ,,

على ( كف الكفن ) تنبض بقايا روح مجروحه
خذاها الوقت والعبرة تسوق عيون مشتـــاقه
تراقب وش بعد بكره وش اللي يتبع جروحــه
وش اللي يجبر الخاطر وقلبي عايش فراقـــه
ثلاث سنين وهمومي تعانق لهفتي بنوحــــــه
وأنا والصمت والذكرى نقلب ماضي أوراقــه
أدور بالسماء طيفه واردد وينها روحـــــــه ؟
ولا غير الصدى اسمع يردد صوتي بآفاقـــه !
عقب ماهو وسط روحي يباهي شامخ صروحه
غدا كنه حلم ليلة حدوده لمعـــة إشراقـــــــه
خيالــه مابقى غيره يبروز باقـــي اللوحـــــه
وينثر في ملامحها من طعون الجفاء باقــــه
ويتركها تخاويني طريق دموع مسفوحـــــــه
طريق يجرح الخافق ويقتل فرحة أعماقـــــه
عليه أسير وأساير زمان أرواح مذبوحـــــــه
نزفها الصد من دمي وهمي زادها إغراقـــه
ألملمها مع الحسرة أخاف عيون مشفوحــه
وتفضحني معاناتي و ( ذكرى) زاهي أشواقه
تبين ولو نفى قلبي عليها رسوم مفضوحــــه
مواريها ( دمع عيني ) ظلاله بان بأحداقــــه
رسمها والسبب خيبة تجر أحلام مطروحـــه
تمايل حصنها وهلت سنين تظمي ارماقــــــه
ظمتني والعطش حقق مع الأيام مصلوحــــه
وانا الهاجوس يلعب بي من اللي للوصل عاقه !
سؤال يدور في ذهني جوابه رافض يبوحــــه
ولآبه بالهوى ( غيبه ) من الأبواب للطاقـــه
أخاف الشمس من جوه لجو الغير ممنوحـــه
شعاعه بالفضاء يملى لغيري نجوم براقـــــه
( سراب ) كلما جيته يودع عالم وضوحــــــه
مع الأطلال يسكني وأموت بحرقة اشهاقـــــه
وأعود أجدد أكفاني بنبض عروق مجروحـــه
واكف بداخلي عبرة تسوق عيون مشتاقـــــه

\
/
|

ممآرآق لي

قَصَيِدْة أرَتَسَمتْ بِالجَمالْ
وَأرتَسمَتْ بِـ/ الروَعَة بِمعَانيِهَا وَمُفَرادْتهَا
سَلمْ الله لنَا ذائقَتكِ
وصَحْ الله السَانكْ وَلِسَانْ شَاعِرهَا

وَدِيْ وَتقَدْيَرِيْ

تلسميييييييييييييييين

ربي يسلمكـ يالغلاااا

» قصصه عششق مجروحه
» عبارات جميلة تنبض بالحياة
» تستحي وهي في الكفن "!
» تَستَحي وهي في الكفن ,فما بالُ الأحياء لا يستحون
» بقايا إنسان