حبيباتي بنات الماسترية اليوم راح اشن هجوم بري على الولد اول فرق غرفة البنت بعدين غرفة الولد
والله يعيّنا
*غرفة البنت
اول متدخل غرفة البنت طبعاً متعرف شنو انواع معطرات الجو اللي راشتهم بالغرفة بالاضافة الى عطوراتها اللى منتشرة بالجو ( ريحة تفتح النفس)
-غرفة الولد
اما اول متدخل غرفة الولد متعرف شنو الريحة الموجودة ريحة ملابس وسخة مااعرف ريحة جواريب مااعرف ريحة حيوان صغير نافق بالغرفة ....الله يعلم
*غرفة البنت
بعدين تشوف غرفة البنت مرتبة ونظيفة نجي للفراش الله الله على الترتيب والنظافة والنزاكة وشلون مخلية الالعاب على السرير ومسوية ترتيبات باللحاف أو البطانية الي مخليتهم على السرير
-غرفة الولد
اما فراش الولد متعرف راسه من رجليه المخدة بجهة البطانية بجهة معفوس عفسة مو طبيعية والاوراق فوق الفراش وتحت المخدة وتدرون حنى بقايا اكل موجودة تحت السرير (الله اكبر الله يساعد امك)
*غرفة البنت
تلتفت هسة للمراية وباقي الغرفة كلشي بترتيب ونظام ونظافة وكلشي يلمع ومرتبة العطور بجهة والمرطبات للوجه والايدين بجهة واصباغ الاظافر وكلهم بترتيب خاص اللي تتفنن بيه
-غرفة الولد
اما الولد ليش هو اكو مجال من الاوراق والوايرات وانواع الاجهزة الصغيرة المرمية بكل مكان والزعبلة الموجودة اذا يريد يمشط شعره خطية يكعد نصف ساعة بس ............يدور على المشط وين مخليه ميدري وعلى اساس هو مسوي نفسه شاطر ويدرس الاوراق من بداية الغرفة لآخر ركن موجود بيها [ وهذي حقيقة لاحد غرفة الولد آني شاهدة عليها غرفة احد اقاربنا غرفته الاوراق من باب الغرفة الى السرير مالته وهاي اكثر شي يشتد بأيام الامتحانات بحيث ماكو مجال يسحق على الارض يظل يسحق على الاوراق واذا امه رادت تنظف الغرفة يكول آني اوراقي واعرف اللي اريده واللي مأريده آني انظفها وطبعاً يبقى الحال على ماهو عليه صدك الله يساعد امه على وضعيته شفتوا شباب هاي عينة حية منكم]
*غرفة البنت
لو نجي هسة لدولاب الملابس اول ماتفتحه اكيد صور الممثلين والمطربين وتشوف الملابس النظيفة اللي ريحتها حلوة ومرتبة احلى ترتيب وطبعاً كل قسم مخليته وحده اما عن اوراقها وكتبها مخليتهم بدولاب ونفس الحالة كلشي مرتب وحسب الاصول
-غرفة الولد
لو تفتح دولاب الملابس للولد الصراحة متفتهم شنو صاير عبالك قنبلة مفجورة بالدولاب من فوق ليجوى هوسة وخربطة هو يجيب ويشمر ومخلوطة الملابس النظيفة وية الوسخة وطبعاً ملابس البيت والطلعة واذا اجى يريد يبدل وطلعله قميص او بنطلون وسخ ظل يصيح ليش مخلين الملابس سوى الوسخ والنظيف ( اي ادري متحجي وية نفسك شوية وشوف انت شنو مسوي بالغرفة كلها اعتقد مفخخها ومفجرها حالتها مأساوية ظلت بس على الملابس )
ها شباب مو هذه هي حقيقتكم المرة
