يا رفيف الماء .. وفجر العيـد .. وأحـزان الموانــي
يا أكثر أهل الأرض طيبـة قلـب .. وأسـرار دفينـه
المكان اللـي هنـا .. مليـان ضحكـات ، وأغانـي
والكلام اللـي بغيـت أقـول .. يحتـاج ل سكينـه !
شوفي الركن البعيـد هنـاك .. كنـه صـدر حانـي
هـذا هـو اللـي يليـق بـ شاعـر وبنـت حزينـــــه!
أنسـي الشـارع ، وعتمـات الزوايـــا، والمبـانـي
هاتـي يدينـك نلـف الغيـم ونشـكـل مديـنـــــه !!
عنـدي الليلـة كـلام وصمـت .. وأخـاف الثوانــــي
تظلمه .. أو تظلم اللـي فيـه كـم ضاعـت سنينـه
بـس لازم تسمعـيـن الـلـي أبــي ولا تـرانــــــــــي
لو بـ أعيده لك .. نسيت .. ورحت أقول اللـي تبينـه
شي واحد قبل ما أبـدأ .. مـا أبـي أي شـي ثانـي
يخطر فـ بالك .. وأنا أكشف لك شعـور تجهلينــــه !
إن أنا .. وبكـل مـا تحملـه "أحبـك" مـن معانـــــــي
كنت،وراح أبقى أحبك لين... مدري وش هو لينه !!
بـس والله ماقـدرت أنسـى .. ولا همـي نسـانـي
لا ذكـرت إنسـان .. فيـه أسـرار مابينـك وبينــــــه
كـل مـا تطـري علـي فكـرة هـواك الأولانــــــــــي
أشعـر إنـي أنطعـن مليـون مـره مـن يديـنـــــــــه!
أشعـر إن عيونـك.. الله مـا خلقهـا إلا عشــــــانـي
كيف كانت تبتسم لـه؟!.. قولـي إنـك تخدعينــه !!
صورة إنه كـان يمسـح دمعـك .. تزلـزل كيانــــــي
وكيف كـان يلـم شعـرك .. ويتبعثـر فـي يمينـــــه
حتى اسمـك يـوم رحـت أدلله .. حظـي رمانـــي..
بنفس الاسم اللي يقـول بذمتـك ماهـي غبينـه !؟
وكنـي اللـي .. كـل مـا أناديـك بالاسـم الفلانـي
أطلـب النسيـان .. يتـرك منـه شـي تذكرينـــــه !!
لا تظنينـي أنانـي .. لا .. أنـا مانـيـب أنـانــــــــي
لو سلمت من الغرق بـ أموت فـي ظهـر السفينـه!
يا إني ما أكمل وأعانـي .. أو أكمـل ثـم أعانـي..
كل ما اسمع طاري اسمه أو تجي عيني في عينـه!
أينا كان الضحيـه ؟.. وأينـا اللـي كـان جانــــي ؟
مـدري !.. ولكـن قـراري لازم إنــك تقبليـنــــــه:
مثـل مـا أكـره فكـرة إنـه واحـدٍ ياخـذ مكانــــــي
ما أقدر أجلس في مكـان إنسـان.. كنتـي تعشقينـه!
آرجُـو آن تنآل آعجآبكـمـ،
