أيام زمان مرت مع الأزمان
عزيزي القارئ وش رايك نسترجع أيام زمان مع عصرنا الحالي ,,,
يعني مو بعيده أيام زمان بس قبل 50 سنة تقريبا ...
(( الشهادة والتعليم ))
زمان ... كانت الشهادة تنفع وتخليك مدير ..
هالوقت ... الشهادة الجامعية لوحده ما تكفي ولاّاا تصير زي واحد معه محو أمية ,,,
(( الريال ))
زمان .. الريال كان له قيمة حتى الهللة يستفيدون منها ,,
هالوقت ,, الريال صار ما يجيب الا بيبسي ,,,
(( الزواج ))
زمان .. كانت أمور الزواج ميسرة وقليلة العنوسه ...
هالوقت ... العنوسة تزيد كل سنه والزواج تكاليفه تهد الحيل ,,,
(( الأغاني ))
أغاني زمان كلها شعر وكلماتها تدخل القلب والعقل ... وما تنتهي صلاحيتها ...
أمـــــــــــا
أغاني هالوقت سواليف ... قلي وقلت اله ,,, وتعال لما أقولك وش فيك علينا زعلان ....!!!
ولاّااا برتقاله عذبتي حاله ويا الرمانه ويالتفاحه و و و >> فواكه
وبعدين يالكوسه ويالبيذجانه >>> للي منقهر من حرمته ...
(( الفيديو كليب ))
زمان .. الفيديو كليب يقف الفنان ويغني لحد ما تحفظ أشباهه وما تجيك الا لقطات بسيطه عن عيون امرأه أو وجهها من بعيد ...
هالوقت .. الفيديو كليب تقلّب عيونك من كثر لقطات هالبنات اللي ترقص على الدقه وما تدري منهو اللي يغني ....
((( المسلسلات )) >>> التمثيليااااات
زمان ... تنتظر حلقة بكرا على أحر من الجمر ويضيق صدرك اذا جت الحلقة الأخيرة لأنه وراها هدف اجتماعي ...
هالوقت ... مسلسلاتنا من أول حلقه تقول يلا متى تخلص وتجي الحلقة الاخيرة >>> ما فيه وقت نتابع ..
(( الحـــــــــب ))
حب أيام زمان آخره زواج ويكون صادق من القلب فيه تضحية واخلاص . .
هالوقت .. فيه حب بس نادر ما تلقاه صادق ...
الأكثريه يحبون بس يمشون بالمقولة اللي تقول ..
* اشحن سوا ..... نطلـــــــــع ســــــوا .....*
(( الجيران ))
زمان .. الجار للجار حتى يروحون معك للمناسبات ويشاركونك أفراحك وأحزانك ... وتحس اللي جنبك أهلك مو جارك ...
هالوقت .. الجار ما يدري عن الثاني !!!
و اذا طق عليك أحد قلت وش يبي هذا ؟؟؟ >> والله جيران مزعجين ...
(( الأكل ))
زمان ... كان صنف واحد يشبعك وطعمه ما ينتسى ... حتى الخضرة كان لها فايدة ,,
هالوقت .. تحط بالسفرة أكثر من صنف ولا واحد يشبع بطنك
و نصف صندوق الخضرة تاكله والباقي بالزباله >>> ذبحنا هالكيماوي
(( الوصل والأقارب ))
زمان .. كان بالبيت فيه أكثر من 20 شخص الأم والأب وعيالهم وحريمهم واطفالهم0 >>> وعايشين مرتاحين ..
هالوقت .. كل واحد يبي غرفة لحاله ,,, واذا تزوج وطلع ...
ما يزور أهله الا بالمناسبات على حسب أشغاله ...
((( العيد )))
زمان ... العيد يفرح فيه الكبير والصغير ويومه ما ينتسى ...
هالوقت .. العيد ما يفرح فيه الا قلة من الأطفال وصار للكبار يوم عادي فيه تسليم وتأدية واجب عائلي ...
* * * * * * * * * * * * * * * * * * * *
