آلفـرق بين آلآجنبيـﮧ ۈ آلخَليجيـﮧ آذآ گـآنت حآمـل

الفرق بين الحامل الأجنبية والخليجية‎

الحامل الأجنبية:

الكل يعرف إنها حملت من أول ما تحلل عند الطبيب

وبعد فتره لما تقولها رفيجتها: ألف مبروك حبيبتي

إنتي بأي شهر ...؟؟

تقول أنا بالرابع وبجيب ولد و راح اسميه جون ..

وتولد وكل رفيجاتها يزورونها و يسألوها عن الولادة

تقول: لا اطمنوا أخذت إبرة ظهر وكانت ولادة سهله ..

تطلع من المستشفىى وترتاح كم يوم و تأكل أكل صحي ..

وبعدين ترجع لحياتها الطبيعية ودوامها ..


الخليجيات:

طبعا ماكوو احد يعرف إنها حامل إلا لما يكبر البطن ..


وتحاول تلبس
وسيع عشان توصل للسادس مادروا عنها


ولما يسألوها بأي شهر ؟؟
تقول: و الله مدري أنا حاسبه


والدكتوره حاسبه والله أعلم منوو الصح ..


و إذا سألوها شنو بتجيبين ؟؟
تقول: مسكر رجوله الله يصلحه


مايبين ..


انزين شنو ودج يجيج ؟؟
ترد: اللي يجي من الله حياه الله

شنوو شريتي اغراض لبيبي اي لون ؟؟
تقول: لون محايد ..

وفي الشهر التاسع لما يسألونها .. شنوو بتجيبين ؟؟
ترد: اللي


عندي رافض إني أسأل يبيها مفاجأة >>> اي هين ..
انزين من اللي

عندج؟؟ ابوج و إلا أخوج .. وإلا السايق مثلا .. ماله اسم اللي عندج ..



و بعد الولادة إذا سألوها .. هاه تعبتي ؟؟

تقول: بغيت أمووووووووووووووت .....

وتطلع عند أهلها شهر نفاس وحلبه و مره و كل شي خاايس عند العطار بتآكله ..
و شهر فيها ضيقه .. وشهر تتصنفر


وتكشخ ..
ولما تطلع من النفاس .. ولدها تعبان ..

وهي اللهم يا كافي لاعبه بعمرها ..
الشعر الأصفر والعدسات


الرمادي وقصة الأناناس .....