صحيح إني صغير السن

هذه كلمات انشودة للمنشدنا القدير أبو علي

صيحيح إني صغير السن
ولا لي بالحياة سنين
ولكن التجارب علمتني من بلاويها


وما كل الذي جرب وعاش التجربة بالعين
كما منه على مركاه وجالس يستمع فيها


وأنا جربت في الذي مضى لي من زمان زين
وصية والد موصي ابنه لا يخليها

صلاة الفرض قبل العرض
يا صاحب عليك تحين
وجوب انه اذا حانت عليك انك تصليها

تراها تسعد النفس الشقية من عذاب شين
وتنزاح الهموم اللي وسط صدرك مرابيها


وبرك لأمك ولأبوك يالغالي تراه يعين
على فتحة جميع أبواب رزق حالم بها

ترى الجنة وهي الجنة تحت أقدامها الثنتين
عطاها ربك المعطي جزية من يجازيها


ورافق في حياتك راعي الطاعة وراعي الدين
اذا ما يرفعك ما ظنتي انه يوطيها


ترى الصاحب على ما قيل يالصاحب عليك تبين
مواري خوته لا طالت الخوة براعيها


تربينا بوسط دنيا بها ملة بها تقنين
ودين يوصي بنصح الذي يخطي شواطيها

كلمآإت جدآإ رآإئعةة :$



سلمت اناملكك ع الطرحح الرووعهه مثلكك *_*