>> ابيات اعجبتني <<

>> ابيات اعجبتني <<
لا تبكي عيونك قهر / ما خسرنا
الحظ قصّر والليالي طويــــله
عشاني ابتسمي ولو ما قدرنا
حبيبتي دمعك كسرني مسيله
هذي هدايانا و هذي صورنا
من بعدنا ما عادت اشيا جميله
حنا عطينا حبنا ما ذخـــرنا
بس الليالي يا حياتي بخيـــله
على شواطي الدمع ياما سهرنا
لين السهر يا عمري انهد حيله
كان الامل في كل ليله قمــرنا
غير الامل يا بنت وش فيه حيله
صغار و نحسب الفرح ينتظرنا
طموحنا نكبر بـ أية وسيله
و كبر معانا فراقنا ما شعــرنا
حتى غدر فينا بـ ليله ثقيله
يا ليتنا يـ الغاليه ما كبرنـــا !
كان القلوب اليوم ما هي عليله
وليت السنين الماضيات تخبرنا
وتحسن علينا لو ثواني قليله
محتاج حب لكن و ربٍ فطــرنا
مغليك ما دوّر بدالك بديــله
تذكّري مطره بماها سكرنـا !
أنتي وانا واحلامنا المستحيله
و اليوم دمعات المفارق مطرنا
أخيـــه يا قلبك و وآ عزتيـله
لا طاحت الدمعه تخفف قهرنا
ولا طاح قلب انسان منهو يشيله ؟
ياما فسقنا بـ الليالي و بطــرنا
و اليوم نشحذ من الايـام ( ليـله
منقول