لو تخاف المسافه ماقويت الرحيل
مير دوك القصايد وش غرضها بلاك
عشت عمري وانا شايلك همٍ ثقيل
روح هذا الفراق ويرحم الله غلاك
كل ماذعذت ريح العواذل تميل
والله اني تعبت اسعى وادور رضاك
روح هذا طريق البعد والله وكيل
دام برق المفارق لايحٍ في سماك
وش لنا في غرامن مالنا به حصيل
غير دمع العيون اللي يفرح اعداك
انت شخصن اناني وان بغيت الدليل
شوف هذي الجروح اللي سببها جفاك
كم عطيتك كثير وكم ترد القليل
منت زين الفعايل .. لايغرك حلاك
شوف كم جرح فيني من فعولك نزيل
وكل عذرٍ تجيبه مايبرر خطاك
دام سيف المفارق في يدينك سليل
اقطع الوصل لاترأف على من هواك
سامح الله عيونك دام دمعك يسيل
ويقطع الله خفوقي كانه ان رحت جاك
