منولٍ عيني ترفرف بالارماش
جفنٍ غطا والجفن الآخر فراشي
مطوعٍ لك قلب ابيض من الشاش
ومستدخلك بين الضلوع الهشاشي
خلف العتيبي
الهوي سلطانه بعيني سحر
والهوى دنبه على قلبي حلال
والهوى بعيونك النجلا قبر
والهوى في قلبي الواله دلال
طلال الرشيد
صويب الهوى مسكين مشيه الى ورا
ترى النقص فيه وحاله اقوى من الضاري
سليمان بن شريم
تضحك وينبت في كفوفي نواوير
تغضي وتسقيهن سوالف سفرها
انا انبهرت بجد لا اسمع ولا اشير
ومن شاف ما شافت عيوني عذرها
سليمان المانع
جيتك يسوق الرجل حبٍ وحرمان
ماردني دونك مسافه وشوحه
ما للتعب عندي وانا ارجيك حسبان
لو راحت ايامي بجيه وروحه
عبدالله السلوم
كلٍ يشين بناظري وانت ما شنت
القاك تكبر كل يومٍ بعيني
وين انت عني وين.. وين انت وين انت
جعلت فيني شي ما هوب فيني
عبدالرحمن الحوتان
الحب ما يحييه غير المواصيل
والاّ بدونه تصبح قلوبنا اغراب
عناد المطيري
ليه نارك طفت لحظة بديت احترق
وانت سيد الولع يالمترف المستهام
طفلة الشمس تمثالك تحرك نطق
ودع السلم بعيونك وطار الحمام
ناصر السبيعي
اجرح وقلبي لك على الطول ينساق
رمشك جرحني ساقني للهوى سوق
كمل جمالك والي العرش باخلاق
حتى الجروح اللي تجي منك له ذوق
عبدالله العليوي
لا ترفع الغطوه ولا تفضح الليل
شلني معك هم ثقيلٍ على الشال
ضعفت ما فالصبر قوة ولا حيل
تجرحني عيونك وتنشد عن الحال
راشد بن جعيثن
