(ليش يادنيا )

اليــــوم مابين غيبت شـــمس وطلوع اهلال
جلست فى رجمن طويلن مليان بحزانـــــه

اصبر الكبد والكبد تقول مالصبر عندى مجال
كيف اصبر والقلــب فاقـــداليوم خلانـــــــه

غيبت الخـل على الــــروح اهمــــومن اثقال
وعذابه كما عذاب البيــاع لخلــف بميزانـــــه

اهمــومن اتخلى ادموع العين كمــــا الهمال
همالن تحـدر على الجبال وسيـــلت وديانــه

ليـش يــادنيـــابريـــتى اليــــوم الحـــــــــال
وخلــيتينى فيــك كماطفلن يــجر وجدانــــه

ليش يادنيا اعيد لك كل يوم نفـــس الســـؤال
ليش صرتى اتحبين الجروح وصرتى خوانــه

الله وكيلك مانى على باقى اجروحك محتال
تعبت الكتوف من الجرح والقلب نزف شريانه

وقصر ليل الفرح وليل الحزن فى العين طال
وعظام جسمى من برد الشتاء صارت بردانــه

تنتظر رجعت من قفا بين كلمت روح وتعال
ياعسى الى غاب عنى اليـــوم يرجع لوطانــه