تدري وش سوَّى غيابك ؟!
موَّت غيابك سوالف ..!
ما يخوِّفني زماني
بس من فرقاك خايف ..!
فجأه أصحى وما أشوفك ..
لا تهددني ... ظروفك
إعتبرني .. حلم / واقع
وإلاَّ ظلٍ ما يطوفك
ظاميٍ عطشان .. جيتك
لا يعشمني سرابك ..!
تسمح بكلمه ؟! بغيتك
قبل لا تبدأ غيابك ..!
.
.
.
تدْري وشْ معْنى غيابكْ ؟
يعْني :
أسْوَءْ شيْ شفْتَهْ طولْ عمري !!
تبْدي ضحْكاتي هلابكْ
وفي وداعكْ
ما ينامْ الجَرحْ بدْري
وإنتْ كيفكْ
شوفْ وشْ ناوي عليه
هاكْ قلبي وهاكْ سيفكْ
وسوْ فيني الي تبيه!
لا تحاتيْ
صفّحْ بكيفكْ جروحي
وإشْطبْ آمالي وطموحي
وإعْتبرْ قلبي كتابكْ !!
.
.
.
تدري وشْ حطّم غيابكْ
مرْكَبْ بداخلْ شعوري
منْ نسى قلبكْ .. حضوره
قلبي ما واجَهْ / شعوره
عندي ما به شي ضروري
فاقد إحساسْ الأماني
لا مراسي لا مواني
وصارتْ الدنيا / قسى !!
وصار دوري..
أعشق أنواعْ الأَرَقْ ..
وألفظ أنفاسْ الغَرَقْ
وصوت معناه الخَطَر
وقلبْ ميّتْ / يحتضر
منْ غيابكْ السلامه
فيها قلبي ما رسى
لا صباحي هو صباحي
ولا مسا قلبي / مسا
يا حبيبي في .. غيابكْ
إختلفْ شكلي ولوني
صرتْ أنا إنسان / ثاني
والسَهَر تعّبْ عيوني
والسؤال الي ذبحني?
- صح اهو فعلاً نسى ؟
راح وأهداني الأسى!
وما وصلتْ إلا ل حقيقه
الجفا أسْهَلْ طريقه
للقسى.!
.
.
.
تدري لو ينطق غيابك؟
بس أبسأل وين كنت؟
وين رحت بغيبتي؟
وبسأله عن وضع قلبك!
هنت عنده أو ما هنت؟
يالي مِن غيرك حياتي
ما لها داعي ومعنى !
صار قلبي ما يحاتي
بعد ما تخليت عنه !
إيه كل الناس عندي
بس مابيهم بدونك ..!!
تدري يا عمري بأنك..
عندي كل الناس إنت !
ومهما تجرحني / مسامح
وكِل طعناتي / عوافي
عشت وافي لدنيتك
وبموت وافي ..
ما اخونك لو تجافي
ما هو آنا الي إن ضاقت
علي الدنيا / خنت
.
.