السسلام عليكم ورحمة الله وبركاته
اححم اححم
مسساء الخيرات والليرات هع
زيين الطبق هو كرات البطاطا
المهم نبدأ ف المقادير
4 بطاطس مسلوقه ومقشره ومبشوره
علبة ذرة واذا تبون مشروم مقطع
هو لازم مشروم بس سواقنا العزيز ما جاب الي ابيه
نككمل عاد
1 علبة قشطه
1 صحن صدور دجاج مقطع قطع صغيره او طويله
2 بصل مقطعه شرايح
3 جزر مبشوره
2 كوسا مبشوره
هذا الدجاج بعد التقطيع
1 فلفل رومي بارد
هذا الكوسا والجزر بعد البشر
وصوص الصويا
1 علبة قشطه
باقي المقادير حقت الصوص الي فوق البطاطا :-
2 كاس كريمه الخفق
2 مكعب ماجي
1 كيس جبنة موزاريللا
فلفل اسود
ملح
2 ملعقه جبن كرفت الكاسات
1 ملعقه صغيره بهار مشكل
1 ملعقه صغيره كركم
الطريقه :-
تسلقين البطاطس في ماي وملح بعدين تصفينها وتبشرينها وتضيفين عليها جبنة الشدر المبشوره مع فلفل اسود
وتكورينها على شكل كور وتخلينها على جنب
قطعي البصل الى شرايح وجيبي جدر على النار وحطي فيه زيت واقلي فيه البصل اذا ذاب حطي فوقه ملعقه البهار والكركم وقلبيه
بعدين حطي الدجاج فوقه وحركيه لين يستوي الدجاج
بعدين حطي فوقه
الفلفل الرومي وقلبي بعدين الصويا وقلبي بعدين الذره والمشروم وقلبي بعدين الجزر والكوسا وقلبيه لين يستوون عدل
اخر شي حطي عليه علبة قشطه وسكري النار وقلبيه قلبه وحده بس يختلط فيه يعني
ورفعيه عن النار وخليه على جنب
الحين سوي الخلطه اللي بتصبينها اخر شي عالطبق
حطي على النار جدر فيه 2 كاس كريمه و2 مكعب ماجي وجبنة الموزاريللا وملعقتين جبن كاسات وحركيه بس لين يختلطون مع بعض لا يطبخ يعني
خلاص الحين تحطين الطبقات في طبق التقديم:
اول شي تحطين خليط الدجاج وفوقه تصفين الكرات واخر شي تصبين الخلطه على الكرات .. وحطيه فالفرن شوي عشان يتحمر
وبالعافييييييييييييييه
