متى مآمتلكنآ ضميرآ نقيآ نحن البشر .. أجزم بأننآ سنحلق مع الطيور

السلام عليكم ,, ..
مسسسسسسساء الخير,, للجميـــــــــــــع ,, ..
يا ربييه احس اني مغبره عن قسم المطبخ ,, ..
من زمان عنه ,,
بس رجعت لكم اليوم بشي دسم ,,
و يا رب تروووق لكم سناعتي ,,

يلا ما لكم بالحتسي الطويل ,, ..
نبدأ ,, ع بركة الله ,,

اول طبخه جايبتها لكم ,, شاورمــــــــآآ

نجي اول شي للعجينه ,,

مكوناتهـــآ ,,

2 كاس ماء ..
ملعقة كبيره بس مو مليانه زيت ,
شوي ملح
.. دقيق للعجن ,,

نعجن المقادير مع بعض لين نحصل ع عجينه قابله للخبز ..

نخلي العجين ع حنب
و نجي للحشوووه ,,

صدور دجاج مقطعه لشكل طووولي .. او دجاجه كامله مقطعه كلها بشكل طولي ..
و حبة بصل كبيره مقطعه شرائح طويله و دقيقه مره

نجيب الصاج ..
نحمر البصل مع زيت حتى يميل لونه للبني .. و نضيف له الدجاج ,,
و نقلبه مع بعض حتى ينضج و نضيف بعدها فلفل اسود
شوي كمون
ماجي + ملح ,,
بدون اضافه اي بهارات ثانيه ,,

..

الجزء الثاني من الحشووه ,,
فلفل رومي و طماطم مقطع بشكل طولي

..

الجزء الثالث من الحشوه ,,

2 بطاطس مسلوقه و مهروووسه ,,
2 ملعقه طحينه سايله ..
زبادي
ملح

تخلط كلها في الخلاط .. لين نحصل عليها بالهشكل

..

نجي الحين للعجينه اللي حطيتوها ع جنب ..
نقطعها دواير ,, ع حسب حجم الخبزه اللي تبون ..
بعدين نفردها ع سطح عليه طحين ,, و بعد كذا نحاول نشيلها و نخبزها بيدينا ..
ثم نحطها ع الصاج ,,
و ننتظرها حتى تتحمر من الجهتين

و نجمعها في كاتم عشان ما تابس عليكم

,,

نجي لطريقه الحشو ,,

نجيب الخبزه ,, و ندهنها بخلطه البطاطس و الطحينه اللي ذكرتها من قبل
و بعدين

ثم

ثم نغطيها عاد بورق الشفاف ,,

و هذا هو الشكل النهائي ,,

[size=9]الطبق الثاني ,,

اسمها صينيه القرنبيط و في روايه صينيه الزهره ..
و سموا عاد ع كيفكم

اول شي ,,
اي خضار عندتس في البيت قطعيها مكعبات صغيره .. و اقليها بالزيت
انا استخدمت هووون ,, بطاطس + باذنجان + كوسه ..

بعد تسذا جيبي الزهره او القرنبيط
و اقليه كبــــار مثل تسذا ,,

ثم بعد ما يبرد .. قطعيه صغار مررررره .. شبه فرم بس مو فرم يعني ,,

و جيبي لتس دجاجه و اسلقيها في ماء + ملح .. و بعد ما تنضج
حاولي تنتفين لحمهــــــآ

ثم قطعيه بشكل طولي رقييييييق بالسكين ..
بعدين ..

جيبي لتس بصل مقطع بشكل طولي رقييييييق و حطيه ع صاج مع شوي زيت
لين يتحمر ,, و بعد هكــــــــآآ .. كبي عليه الدجاج .. و بهريه و حطي ملح ع حسب الرغبه ,,
الين يتشبع الدجاج بالبصل و البهارات و طفي عليه النار ,,

بعد كذا ,,

اخلطي الخضار المقليه و الزهره و الدجاج مع بعض ..

و اسكبيها في صينيه بايركس
و حطي عليها خلطة الوجه ,, مكونه من
2 علبه قشطه + 6 ملاعق جبن كاسات .. ,, اخلطيهن بالخلاط ..
و اسكبيها ع الوجه ..

و دخليها الفرن .. من فوووووق بس .. لين تتحمر ..

وهذا هو الشكل النهائي ..

..

الطبق الثالث

مقلوبه ,,

اول شي جيبي .. خضار مكووونه من ..
كوسه
باذنجان
بطاطس ..
و قطعيها حلقات

و اقليها بالزيت و حطيهن ع جنب .. لحين الاستخدام << اتعب انا ع اللغه

و جيبي لحم او دجاج و اسلقيه في مويه و ملح و كمون مطحون وبس ..
و انا هو استخدمت اللحم .. وهذا شكله بعد النضج و بعد ما صفيته من المويه ..

بعد هكا ...

اخذي مرقه اللحم و اشخليها شخلا ..
و اكبسي الرز فيها و صفيه ..

نجي الحين للشغل الحامي ,,

جيبي لتس قدر كبير شوي ..
و قطعي بوه بصل شرايح و شوحيه بشوي زيت .. لين يذبل البصل ,,
بعد هكا ..
جيبي لتس طماطم مطحون تقريبا 3 حبات مستويه مره افضل شي ..
و اطحنيها بالخلاط مع بهارات مشكله .. و ملح ..
و كبيها ع البصل .. وخليهن مع بعض لين يتسبكوا
وزيدي عليه مووويه ..
و بعدين حطي الخضار المقليه عليه .. و اللحم كمان ..
بهالشكـــــــــــــل ,,,

و خليه شوي ع نار هاديه ..
و تاكدي من انو الملح تمام ..

بعد هكا ..
كبي الرز المسلوق عليه ..

و خليه لين تنشف المرقه اللي تحت ..
و تعرفين انها نشفت ..
تجيبين ملعقه او سكين .. و تدخليها داخلي ,..
و اذا فيها مرقه يعني توه
و اذا ما فيها شي يعني خلاص زانت ..

و بعد هكا .. اقلبيها في صحن التقديم و هذا هو الشكل النهائي ..

..[/size]

الطبق الرابع ,,

فطيره عشــــآآ ,,

اول شي نعجن العجينه ,, و مقاديرها ,,

2 زبادي ,,
و ثلاث ارباع كاس مــــآ
شوي ملح و شوي سكر
ملعقه صغيره خميره ,, و ملعقه صغيره بكنج باودر ,,
نص بياله شاي زيت ,,

تخلط في الخلاط و تعجن ب
كاس طحين بر ,,
و كاس طحين ابيض ,,
و لو حسيتي انو العجينه لينه و تحتاج دقيق ,, اضيفي لخا دقيق ابيض ,,

نخليها تتخمر نص ساعه ,,

..

نجي الحين للحشوه ,,

نفس حشوه الشاورما اللي قلتها من قبل بس لما تنضج نضيف لها
ذره ,, زيتون اسود .. زيتون اخضر .. فلفل رومي مقطع صغار

نجيب صينيه مدوره حجم وسط
و نفرج نص مقدار العجينه فيها ,,

و نضيف جبن شرائح مع جبن مووزريلا

و نحط بعدين طبقه من الحشوه و طبقه من الجبن الموزريلا

بعد كذا نغطيها بمقدار العجين المتبقي
و مدهن الوجه بالبيض ,, و نخرق الوجه بالشوكه

بعدين ندخلها الفرن من اسفل ثم من اعلى و نقطعها مثلثات
وهذا هو الشكل النهائي

..

.

الطبق الخامس و الاخير ..
عباره عن حلا
سهل و بسيط و لزيز اقوى شي

اول شي .. جيبي بسكوت السمسم .. و اوراق الكب كيك و صينية الكب كيك ..
و حطي البسكوت بالشكل هذا ..

و ممكن انك تحطين طبقتين من البسكون او طبقه وحده .
و انا افضل طبقه ..

بعد هيتس ..
جيبي الخلاط و حطي فيه 10 حبات كيري او ممكن 5 حبات كيري و 5 حبات جبن مثلث . بس لازم يكون لونه ابيض ..
مع بيضتين ... و 2 فنجال قهوه سكـــــــــر ..
و اخلطيهن و اسكبي مقدار ملعقه اكل ع طبقة البسكوت او لين يتغطى البسكوت
مثل هيتس ..

بعد هيتس
دخليه الفرن ع درجه حراره منخفضه من اسفل فقط لين تجمد الطبقه .. بدون تحمير
طلعيه من الفرن و جيبي جالكسي مذوب في حمام مائي او الميكرويف
و اسكبيه ع الحلا كطبقه اخيره و زينيه بالجوز او اي شي ثاني ..
و هذا شكله النهائي ..

..

.

اكووون بهيتس خلصت موضوعي المتواضع قدا
و كلى امل انه يروووق لكم ..

و جربوا و مش حتندموا .. ..

اهـــآآ خلص الحتسي اللي عندي ,,

انطلقوا بالردووود الله مير يسلمكم

» انفلونزا الطيور..لماذا لو؟
» اجمع ريش الطيور أو امسك لسانك
» صباحكم جميل و يزداد جمالا بنغمة تغريد الطيور
» بعض البشر
» إح ــسآسيے » . . مو گل البشر يفـہـمونہ . .●